معرکہ حق میں پاکستان کے ہاتھوں عبرتناک شکست، بھارت اسرائیلی میزائل خریدنے کی کوششیں کرنے لگا

پاکستان کے ساتھ حالیہ دفاعی مقابلے میں ناکامی کے بعد بھارت نے اسرائیل سے جدید میزائل سسٹمز کی خریداری اور مقامی پیداوار میں دلچسپی ظاہر کی ہے۔

اسرائیلی میڈیا کے مطابق اسرائیل کی وزارت دفاع کے ڈائریکٹر جنرل (ر) امیر بارام نے گزشتہ ہفتے بھارتی ہم منصب راجیش کمار سنگھ کے ساتھ دفاعی تعاون بڑھانے کے لیے ایک مفاہمتی یادداشت پر دستخط کیے۔

اس یادداشت کے بعد بھارتی وزارت دفاع کے ایک وفد نے اسرائیل کا دورہ کیا تاکہ مختلف دفاعی معاہدوں کو حتمی شکل دی جا سکے۔

رپورٹس کے مطابق اس معاہدے کے تحت بھارت نہ صرف اسرائیل کے ایئر لانگ رینج آرٹلری بلیسٹک میزائل اور آئس بریکر کروز میزائل خرید سکے گا بلکہ انہیں بھارت میں مقامی طور پر تیار کرنے کے منصوبے بھی شامل ہیں۔

Air LORA میزائل کی رینج تقریباً 400 کلومیٹر ہے اور یہ 1600 کلوگرام وزن کے ساتھ سپر سونک رفتار سے اڑتا ہے، جسے میزائل سائٹس، فوجی اڈے اور ایئر ڈیفنس سسٹمز کو نشانہ بنانے کے لیے استعمال کیا جاتا ہے۔

اسپتال ہوم انٹرنیشنل پیس ریسرچ انسٹیٹیوٹ کے اعداد و شمار کے مطابق بھارت اسرائیلی دفاعی صنعتوں کا سب سے بڑا خریدار ہے اور 2020 سے 2024 کے دوران اسرائیل کی مجموعی دفاعی برآمدات کا تقریباً 34 فیصد بھارت کو گیا۔

یہ پیش رفت بھارت اور اسرائیل کے درمیان دفاعی تعلقات کو مزید مستحکم کرنے کی جانب اہم قدم تصور کیا جا رہا ہے۔