روس کی جانب سے یوکرین پر ڈرون اور میزائل حملے؛ 8 شہری ہلاک، توانائی کے منصوبے تباہ
WebDesk
15 نومبر, 2025 08:50
روس کی جانب سے یوکرین پر ڈرون اور میزائل حملے؛ 8 شہری ہلاک، توانائی کے منصوبے تباہ
روس نے یوکرین کے دارالحکومت کیف پر بڑے پیمانے پر ڈرونز اور میزائل داغے، جن کے نتیجے میں کم از کم 8 شہری ہلاک اور درجنوں زخمی ہو گئے۔
یوکرینی صدر ولادیمیر زیلنسکی نے بتایا کہ روس نے تقریباً 430 ڈرونز اور 18 میزائلز کے ذریعے کیف کو نشانہ بنایا، جس میں شہری علاقے، عمارتیں اور توانائی کے انفراسٹرکچر خاص طور پر متاثر ہوئے۔
یوکرینی حکام کا کہنا ہے کہ دفاعی نظام نے زیادہ تر حملوں کو ناکام بنایا، تاہم کئی ڈرونز اور میزائل گرنے کے بعد متعدد عمارتیں شدید نقصان کا شکار ہو گئیں۔
عرب میڈیا کے مطابق کیف پر ہونے والے حملوں میں آذربائیجان کے سفارتخانے کو بھی نقصان پہنچا، جس کے بعد آذربائیجان نے روسی سفیر کو طلب کر کے احتجاج ریکارڈ کرایا۔
اسی دوران روس نے دوبارہ نیٹو کو خبردار کیا ہے کہ وہ یوکرین جنگ میں مداخلت سے گریز کرے، کیونکہ روس کا کہنا ہے کہ براہِ راست مداخلت کے نتیجے میں نیٹو اور روس کے درمیان تصادم خطرناک نتائج کا باعث بن سکتا ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
عالمی یومِ یکجہتیِ فلسطین: وزیراعظم اور صدر مملکت کا یکجہتی پر مبنی خصوصی پیغام
29-نومبر،2025
