سری نگر: پولیس اسٹیشن کمپاؤنڈ میں دھماکا، متعدد افراد ہلاک اور زخمی
WebDesk
15 نومبر, 2025 08:10
سری نگر: پولیس اسٹیشن کمپاؤنڈ میں دھماکا، متعدد افراد ہلاک اور زخمی
سرینگر میں واقع ایک پولیس اسٹیشن کے کمپاؤنڈ میں اچانک ہونے والے دھماکے سے علاقے میں بھگدڑ مچ گئی۔
بھارتی میڈیا کے مطابق دھماکا اس وقت ہوا جب کمپاؤنڈ میں رکھی گئی ضبط شدہ امونیم نائٹریٹ کی مقدار اچانک پھٹ گئی، دھماکے کی شدت اتنی زیادہ تھی کہ پولیس اسٹیشن میں آگ بھڑک اٹھی اور قریبی عمارتوں کے شیشے ٹوٹ گئے۔
واقعے کے فوراً بعد ریسکیو اور فائر بریگیڈ کی ٹیمیں موقع پر پہنچ گئیں اور مشتعل آگ پر قابو پانے کی کوششیں شروع کر دیں۔
حکام کے مطابق دھماکے کے نتیجے میں متعدد افراد ہلاک اور زخمی ہوئے ہیں، جن میں پولیس اہلکار بھی شامل ہیں۔ زخمیوں کو فوری طور پر اسپتال منتقل کر دیا گیا ہے جہاں انہیں طبی امداد فراہم کی جا رہی ہے۔
ابتدائی اطلاعات کے مطابق امونیم نائٹریٹ ایک مقدمے کے سلسلے میں ضبط کیا گیا تھا اور کمپاؤنڈ میں محفوظ کیا گیا تھا، تاہم اس کی اچانک دھماکے کی وجوہات معلوم کرنے کے لیے تحقیقات جاری ہیں۔ پولیس نے علاقے کو گھیرے میں لے کر شواہد اکٹھے کرنا شروع کر دیے ہیں۔
حکام نے بتایا کہ مکمل حقائق سامنے آنے کے بعد واقعے کی نوعیت سے متعلق مزید معلومات فراہم کی جائیں گی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
عالمی یومِ یکجہتیِ فلسطین: وزیراعظم اور صدر مملکت کا یکجہتی پر مبنی خصوصی پیغام
29-نومبر،2025
