جنگ بندی معاہدے کے باوجود غزہ میں 3 الگ مقامات پر اسرائیلی حملے
WebDesk
16 نومبر, 2025 08:20
جنگ بندی معاہدے کے باوجود غزہ میں 3 الگ مقامات پر اسرائیلی حملے
جنگ بندی معاہدے کے باوجود اسرائیل نے غزہ کے تین مختلف مقامات پر حملے کیے، جس سے خطے میں کشیدگی مزید بڑھ گئی ہے۔ عالمی سطح پر ان کارروائیوں پر شدید ردِعمل سامنے آرہا ہے۔
سعودی عرب نے کہا ہے کہ اسرائیلی فورسز اور یہودی آبادکاروں کے فلسطینیوں پر بار بار حملے ناقابلِ قبول ہیں۔
سعودی وزارتِ خارجہ کے مطابق جنگ بندی کے بعد بھی جاری اسرائیلی کارروائیاں عالمی قوانین اور انسانی حقوق کی پامالی ہیں۔
اعداد و شمار کے مطابق 10 اکتوبر سے 10 نومبر کے دوران اسرائیل 282 مرتبہ سیز فائر کی خلاف ورزی کر چکا ہے، جس سے غزہ کے حالات مزید سنگین ہو رہے ہیں۔
دوسری جانب فلسطینی اتھارٹی نے فلسطینی شہریوں کو دیگر ممالک منتقل کیے جانے کے بڑھتے معاملات کی تحقیقات شروع کر دی ہیں۔
حکام نے کہا ہے کہ فلسطینیوں کو بیرونِ ملک آباد کرنے کی کوششوں پر شدید تشویش ہے، کیونکہ اس عمل میں شامل تنظیم کی نوعیت مشکوک ہے اور اس کا کوئی واضح ہیڈکوارٹر موجود نہیں، جیسا کہ الجزیرہ نے رپورٹ کیا ہے۔
فلسطینی اتھارٹی نے شہریوں کو خبردار کیا ہے کہ وہ ایسے ایجنٹس اور گروہوں سے ہوشیار رہیں جو انہیں بیرونِ ملک بھیجنے کے نام پر استعمال کر رہے ہیں۔
حکام کے مطابق غزہ کے عوام کو انسانی اسمگلنگ کے ذریعے بے دخل کرنے کی کوششیں جاری ہیں، جو انتہائی خطرناک اور ناقابلِ قبول ہیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
