ہفتہ، 29-نومبر،2025
ہفتہ 1447/06/08هـ (29-11-2025م)

معروف ایئرلائن اچانک بند، تمام پروازیں منسوخ

16 نومبر, 2025 10:20

برطانیہ: چینل آئی لینڈ پر مبنی مشہور ایئرلائن بلیو آئی لینڈز نے اچانک اپنی خدمات معطل کرنے کا اعلان کر دیا ہے۔

ایئرلائن نے تمام شیڈول شدہ پروازوں کو فوری طور پر منسوخ کرتے ہوئے مسافروں کو ایئرپورٹ جانے سے گریز کرنے کی ہدایت کی ہے۔

بلیو آئی لینڈز نے ایک بیان میں کہا کہ 14 نومبر 2025 سے تمام پروازیں معطل ہیں اور وہ مسافروں کو ہونے والی تکلیف پر افسوس کا اظہار کرتے ہیں، متبادل انتظامات کے بغیر ایئرپورٹ آنے کی ضرورت نہیں۔

بلیو آئی لینڈز چینل آئی لینڈ، جرسی اور گرنسی سے برطانیہ کے سات ایئرپورٹس کے لیے پروازیں چلانے کے ساتھ کچھ بین الاقوامی راستے بھی فراہم کر رہی تھی۔ تاہم اچانک انتظامیہ نے خدمات بند کرنے کا فیصلہ کر کے مسافروں اور عملے دونوں کے لیے مشکلات پیدا کر دی ہیں۔

ایئرلائن کی آخری پرواز 14 نومبر شام 7:40 بجے جرسی میں اتری، اور اندازہ ہے کہ تقریباً 100 ملازمین اس فیصلے سے متاثر ہوں گے۔

ایئرلائن نے براہِ راست بکنگ کرنے والے صارفین سے کہا ہے کہ وہ اپنے بینک سے رابطہ کریں، جبکہ ٹریول ایجنٹ کے ذریعے بکنگ کرنے والے افراد کمپنی سے رابطہ کریں۔

یوکے سول ایوی ایشن اتھارٹی کی ڈائریکٹر سیلینا چڈھا نے کہا کہ بلیو آئی لینڈز کی تمام پروازیں منسوخ کر دی گئی ہیں اور صارفین تازہ ترین معلومات کے لیے اتھارٹی کی ویب سائٹ وزٹ کریں۔

خیال رہے کہ یہ ایئرلائن 2006 میں راک ہاپر کے نام سے شروع ہوئی تھی۔ کووِڈ کے دوران حکومت نے اسے کام جاری رکھنے کے لیے £8.5 ملین قرض دیا، لیکن اب اس پر تقریباً £7 ملین بقایا ہے، جس کی وجہ سے کمپنی نے اچانک اپنی سروسز بند کرنے کا فیصلہ کیا۔

Catch all the دنیا News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔