لیبیا کے ساحل پر تارکینِ وطن کی دو کشتیاں ڈوب گئیں؛ 4 افراد ہلاک جبکہ متعدد لاپتا
WebDesk
16 نومبر, 2025 08:59
لیبیا کے ساحل پر تارکینِ وطن کی دو کشتیاں ڈوب گئیں؛ 4 افراد ہلاک جبکہ متعدد لاپتا
لیبیا: بحیرۂ روم عبور کرنے کی کوشش کرنے والے تارکینِ وطن کی دو کشتیاں لیبیا کے ساحل کے قریب حادثے کا شکار ہوگئیں، جس کے نتیجے میں 4 افراد ہلاک ہوگئے۔
واقعہ ساحلی شہر الخمس کے قریب پیش آیا جہاں غیر قانونی طور پر یورپ جانے والے 95 افراد دو الگ کشتیوں میں سوار تھے۔
حکام کے مطابق پہلی کشتی میں 26 بنگلادیشی شہری موجود تھے، جن میں سے 4 افراد کی لاشیں برآمد ہوئیں۔
دوسری کشتی میں 69 تارکینِ وطن سوار تھے جن کا تعلق مصر اور سوڈان سے بتایا گیا ہے۔ لیبیا کوسٹ گارڈ کا کہنا ہے کہ مجموعی طور پر 91 افراد کو زندہ بچا لیا گیا۔
واضح رہے کہ لیبیا کئی برسوں سے افریقہ اور ایشیا سے یورپ پہنچنے کی کوشش کرنے والے تارکینِ وطن کے لیے اہم راستہ سمجھا جاتا ہے، تاہم خستہ حال کشتیوں میں سمندر پار کرنے کی یہ کوششیں اکثر ہلاکت خیز ثابت ہوتی ہیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
