ہفتہ، 29-نومبر،2025
ہفتہ 1447/06/08هـ (29-11-2025م)

سعودی عرب سے انتہائی افسوسناک خبر آگئی

17 نومبر, 2025 11:05

سعودی عرب میں زائرین کی بس کو پیش آنے والا دل خراش حادثہ بڑے سانحے میں بدل گیا۔

عرب خبر رساں ادارے کی رپورٹ کے مطابق مکہ مکرمہ سے مدینہ منورہ جانے والی بس ایک ڈیزل ٹینکر سے ٹکرا گئی، جس کے نتیجے میں انتہائی سنگین صورتحال پیدا ہوئی۔ ابتدائی اطلاعات کے مطابق حادثے میں 40 سے زائد زائرین کے جاں بحق ہونے کا خدشہ ظاہر کیا جا رہا ہے۔

حادثہ رات تقریباً گیارہ بجے کے قریب پیش آیا۔ بس میں زیادہ تر بھارت کی ریاست تلنگانہ سے تعلق رکھنے والے عازمین سفر کر رہے تھے۔

بھارتی میڈیا نے بتایا کہ تلنگانہ کے وزیرِ اعلیٰ نے اس سانحے پر افسوس کا اظہار کیا ہے اور سعودی حکام سے مکمل تحقیقات کا مطالبہ کیا ہے۔ اس کے علاوہ حیدرآباد کے رکن پارلیمنٹ اسد الدین اویسی کا کہنا ہے کہ حادثے کے وقت بس میں 42 مسافر موجود تھے۔ انہوں نے کہا کہ وہ ریاض میں بھارتی سفارت خانے کے ڈپٹی چیف آف مشن سے مسلسل رابطے میں ہیں اور وہ تمام معلومات جمع کر رہے ہیں۔

اسد الدین اویسی نے کہا کہ انہوں نے بھارت کی وزارتِ خارجہ سے درخواست کی ہے کہ جاں بحق افراد کی میتوں کی جلد وطن واپسی کے لیے اقدامات کیے جائیں اور زخمیوں کو بہترین طبی سہولیات فراہم کی جائیں۔

Catch all the دنیا News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔