افریقی ملک کانگو میں پل ٹوٹ گیا، 32 افراد ہلاک جبکہ متعدد زخمی

WebDesk

17 نومبر, 2025 08:20

کانگو کے افریقی ملک میں تانبے کی کان کے قریب واقع ایک پل ٹوٹنے سے 32 افراد ہلاک جبکہ 20 زخمی ہوگئے ہیں۔

غیر ملکی میڈیا رپورٹس کے مطابق یہ افسوسناک حادثہ کانگو کے صوبے لاولامابا میں پیش آیا جہاں پل کا اچانک ٹوٹنا لوگوں کے لیے تباہ کن ثابت ہوا۔

رپورٹ میں بتایا گیا کہ پل کا استعمال مقامی افراد اور قریبی علاقوں سے آنے جانے والوں کے لیے اہم تھا۔

حادثے میں ہونے والے زخمیوں کو فوری طور پر اسپتال منتقل کر دیا گیا ہے جہاں اُن کی حالت نازک بتائی جارہی ہے اور حکام کی جانب سے امدادی کارروائیاں جاری ہیں۔

مقامی حکام نے واقعے کی تحقیقات شروع کر دی ہیں تاکہ حادثے کی وجوہات معلوم کی جا سکیں۔