غزہ میں اسرائیلی حملوں کا سلسلہ جاری، تازہ بمباری میں 3 فلسطینی شہید

WebDesk

17 نومبر, 2025 08:00

اسرائیلی فورسز کی جانب سے غزہ میں جنگ بندی کی خلاف ورزیاں جاری ہیں، حالیہ بمباری میں 3 فلسطینی شہید ہوگئے ہیں۔

رپورٹ کے مطابق گزشتہ روز اسرائیل نے جنوبی غزہ کے خان یونس کے مشرقی حصے پر بمباری کی جس کے نتیجے میں 3 فلسطینیوں کی جان چلی گئی، بمباری کا شکار ہونے والے علاقوں میں غزہ شہر کا زیتون محلہ اور رفح کے نواحی علاقے بھی شامل ہیں۔

اسی دوران، مقبوضہ مغربی کنارے کے طوباس شہر میں بھی اسرائیلی فوج نے فائرنگ کر کے ایک فلسطینی کو شہید کر دیا ہے۔

یاد رہے کہ گزشتہ 2 سالوں میں اسرائیلی حملوں کے نتیجے میں 69,400 سے زائد فلسطینی شہید ہو چکے ہیں اور بے شمار فلسطینی خاندان اپنے گھروں سے بے دخل ہو چکے ہیں۔