سعودی عرب؛ اقامہ ہولڈرز کے لئے بڑی خبر آگئی
WebDesk
17 نومبر, 2025 13:45
Saudi Arabia: Major Update for Iqama Holders
سعودی عرب میں محکمہ پاسپورٹ اینڈ امیگریشن ’جوازات‘ نے اعلان کیا ہے کہ اقامے میں موجود تصویر میں واضح فرق آنے کی صورت میں اسے تبدیل کروانے کی درخواست دی جا سکتی ہے۔
جوازات کے مطابق تصویر کی تبدیلی صرف اس وقت ممکن ہے جب چہرے کی شناخت میں نمایاں تبدیلی ہو۔ بغیر معقول وجہ کے تصویر کی تبدیلی نہیں کی جاتی۔
رپورٹس کے مطابق اگر غیرملکی کارکن کے اقامے پر موجود تصویر اور اس کی موجودہ شکل میں فرق ہو تو اسے اپنے شہر کے جوازات دفتر میں اپائنٹمنٹ لے کر درخواست دینی ہوگی۔ درخواست کے وقت پاسپورٹ کارآمد اور نئی تصویر لازمی ہے۔
جوازات نے بتایا کہ ورک ویزے پر سعودی عرب آنے والے غیرملکی کارکنان کو اقامہ 90 روز کے اندر جاری کروانا ضروری ہے۔ اگر یہ مدت پوری ہونے کے بعد اقامہ جاری نہ ہو تو 500 ریال جرمانہ عائد کیا جائے گا۔
نئے آنے والے غیرملکی کارکنان کے لیے میڈیکل ٹیسٹ بھی لازمی ہے، اور اقامہ جاری کرنے سے قبل یہ ٹیسٹ مکمل ہونا ضروری ہے۔ اس اقدام کا مقصد غیر ملکی کارکنان کی شناخت کو یقینی بنانا اور قانونی تقاضوں کی پابندی کو یقینی بنانا ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
