بھارتی سیاسی و عسکری قیادت کے کھوکھلے دعوے، فضائی ناکامی سے زمین بوس

بھارت کے بڑے سیاسی دعوے اور عسکری بیانات ایک بار پھر غیر حقیقی ثابت ہوئے ہیں۔ پاکستان کی فضائی حدود کی بندش نے بھارتی ایئرلائن ائیر انڈیا کو بھاری مالی نقصان میں دھکیل دیا ہے، جس کے بعد بھارت کی قیادت واضح بوکھلاہٹ کا شکار دکھائی دے رہی ہے۔

فضائی حدود کی بندش نے بھارتی دعووں کا پول کھول دیا

پاکستان کی جانب سے فضائی گزرگاہ بند ہونے کے بعد ائیر انڈیا کو طویل اور مہنگے راستے اختیار کرنا پڑے۔ بھارتی میڈیا ریپبلک نیوز کے مطابق صرف اس ایک فیصلے کی وجہ سے ائیر انڈیا کو 4 ہزار کروڑ روپے سے زائد کا نقصان ہوا ہے۔
ایئرلائن نے اتنے بڑے نقصان کی تلافی کے لیے بھارتی حکومت سے مالی مدد مانگ لی ہے۔

چین کی فضائی حدود استعمال کرنے کی درخواست

بھارتی میڈیا کے مطابق ائیر انڈیا نے بھاری نقصانات سے بچنے کے لیے چین کی فضائی حدود استعمال کرنے کا مطالبہ بھی کیا ہے۔
رپورٹس کا کہنا ہے کہ "آپریشن سندور” کے دوران پاکستان کی فضائی حکمتِ عملی نے بھارتی ایئرلائنز کو مکمل طور پر محدود کر دیا تھا۔

بھارتی قیادت کے جارحانہ دعوے زمینی حقیقت سے دور

بھارتی قیادت مسلسل بڑے عسکری بیانات دیتی رہی ہے، مگر زمینی حقیقت بالکل مختلف رہی۔ ہر محاذ پر ناکامی کے بعد بھارتی سیاسی اور عسکری قیادت سخت دباؤ میں ہے۔

ماہرین کے مطابق افغانستان کے ساتھ فضائی تجارت کے دعوے ایسے وقت میں کیے جا رہے ہیں جب فضائی راستوں کی بندش سے بھارت کو اربوں روپے کا نقصان ہو چکا ہے، جو کہ ان بیانات کو مزید غیر سنجیدہ بناتا ہے۔

سبسڈی کی درخواست بھارتی پالیسیوں کی ناکامی کا ثبوت

بھارتی میڈیا رپورٹس میں کہا گیا ہے کہ ائیر انڈیا نے حکومت سے کروڑوں روپے کی سبسڈی کا مطالبہ کیا ہے۔ ماہرین کا کہنا ہے کہ یہ بھارتی ہوابازی پالیسیوں کی ناکامی کا کھلا اعتراف ہے۔

پاکستان کی حکمتِ عملی نے معاشی اور عسکری دونوں سطحوں پر بھارت کو متاثر کیا

تجزیہ کاروں کے مطابق پاکستان کی فضائی حکمتِ عملی نے بھارت کے جارحانہ رویے کو عملی طور پر ناکام بنایا۔ فضائی راستوں کے بند ہونے سے بھارتی معیشت پر شدید دباؤ بڑھا، جب کہ بھارتی قیادت کے بلند و بانگ دعوے حقیقت کی دنیا میں قائم نہ رہ سکے۔