26 اور 27 نومبر کو عام تعطیل کا اعلان؛ نوٹیفیکیشن جاری

WebDesk

24 نومبر, 2025 17:17

26 اور 27 نومبر کو عام تعطیل کا اعلان؛ نوٹیفیکیشن جاری

4-Day Holidays: Citizens Enjoy Extended Break

عمان کی حکومت نے قومی دن کے موقع پر 2 روزہ عام تعطیل کا اعلان کردیا ہے۔

عمان کی حکومت نے رواں ہفتے دو روزہ سرکاری تعطیلات دینے کا فیصلہ کیا ہے۔ یہ تعطیلات قومی دن کی خوشی میں دی جا رہی ہیں۔ سرکاری اعلامیے کے مطابق 26 اور 27 نومبر یعنی بدھ اور جمعرات کو پورے ملک میں مکمل عام تعطیل ہوگی۔

ان دو دنوں میں تمام سرکاری اور نجی ادارے بند رہیں گے۔ حکام کے مطابق معمول کے دفاتر اور کاروبار اتوار، 30 نومبر سے دوبارہ کھل جائیں گے۔

عمانی نیوز ایجنسی کے مطابق یہ پہلا موقع ہے کہ عمان میں قومی دن دو روز تک منایا جائے گا۔ یہ تبدیلی سلطان ہیثم بن طارق کے نئے شاہی فرمان کے تحت کی گئی ہے۔

اس سے قبل قومی دن 18 نومبر کو منایا جاتا تھا، تاہم نئی تاریخوں کے بعد شہری اب زیادہ آسانی سے ملک کی ثقافت، تاریخ اور اتحاد کا جشن منا سکیں گے۔