“ایک شخص کے جرم کی سزا پوری برادری کو نہ دی جائے”، امریکی افغان کمیونٹی کی ٹرمپ سے اپیل
WebDesk
29 نومبر, 2025 13:30
واشنگٹن میں نیشنل گارڈز پر فائرنگ کے واقعے کے بعد امریکا میں آباد افغان کمیونٹی نے امریکی صدر ڈونلڈ ٹرمپ سے مطالبہ کیا ہے کہ ایک فرد کے اقدام کو بنیاد بنا کر افغان شہریوں کی امیگریشن درخواستیں معطل نہ کی جائیں۔
امریکن افغان کمیونٹی کی جانب سے جاری بیان میں کہا گیا ہے کہ حملہ کسی پوری قوم یا برادری کا مؤقف نہیں بلکہ محض ایک شخص کا مجرمانہ عمل تھا، جسے پوری کمیونٹی کے ساتھ جوڑنا ناانصافی ہوگی۔
برطانوی میڈیا سے گفتگو کرتے ہوئے ایک افغان باشندے نے امریکی انتظامیہ سے درخواست کی کہ امیگریشن پالیسی پر دوبارہ غور کیا جائے، کیونکہ اس فیصلے نے ہزاروں درخواست گزاروں کو غیر یقینی صورتحال میں ڈال دیا ہے۔
ایک اور افغان شہری نے بتایا کہ وہ افغانستان میں طالبان کے خطرات سے بچ کر امریکا پہنچے تھے، مگر اب یہاں بھی ان کے لیے نئے مسائل کھڑے ہو رہے ہیں۔
واضح رہے کہ نیشنل گارڈ کے اہلکاروں پر فائرنگ کے بعد ٹرمپ انتظامیہ نے افغان شہریوں کی تمام نئی امیگریشن درخواستوں کو عارضی طور پر روک دیا ہے، جس پر کمیونٹی کی جانب سے شدید تشویش ظاہر کی جا رہی ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
