یوکرینی صدر کے چیف آف اسٹاف کرپشن الزامات کے بعد مستعفی
WebDesk
29 نومبر, 2025 09:00
یوکرینی صدر کے چیف آف اسٹاف کرپشن الزامات کے بعد مستعفی
کیف: یوکرینی صدر ولادیمیر زیلنسکی کے قریبی ساتھی اور چیف آف اسٹاف اینڈری یرمک نے بدعنوانی کے سنگین الزامات کے بعد اپنے منصب سے علیحدگی اختیار کر لی۔
صدر زیلنسکی نے ایک بیان میں یرمک کے استعفے کی تصدیق کرتے ہوئے کہا کہ فیصلہ موجودہ حالات میں ناگزیر تھا۔
مقامی میڈیا کے مطابق انسدادِ بدعنوانی کے قومی ادارے نے چند روز قبل یرمک کی رہائش گاہ پر چھاپہ مارا تھا جس کے بعد ان کے خلاف تحقیقات کا دائرہ وسیع کر دیا گیا۔
یرمک کا کہنا ہے کہ وہ شفاف انکوائری کے لیے حکام کے ساتھ ہر ممکن تعاون کر رہے ہیں۔
اینڈری یرمک یوکرینی حکومت میں نہایت اہم کردار رکھتے تھے اور حال ہی میں صدر زیلنسکی نے روس کے ساتھ جنگ بندی سے متعلق امریکی صدر ڈونلڈ ٹرمپ کے ساتھ مذاکرات کا اہم فریضہ بھی انہی کے سپرد کیا تھا۔
قوم سے خطاب میں زیلنسکی نے یرمک کی خدمات کا اعتراف کرتے ہوئے کہا کہ انہوں نے مشکل سفارتی ذمہ داریاں ذمہ داری سے نبھائیں اور وہ ان کی کاوشوں کے معترف ہیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
پاکستان کو درپیش سیکیورٹی چیلنجز سے نمٹنے کیلئے جامع حکمت عملی ناگزیر ہے، صدر مملکت
29-نومبر،2025
