امریکا نے افغان پاسپورٹ رکھنے والوں کے ویزے اور اسائلم درخواستوں کی کارروائی معطل کردی
WebDesk
29 نومبر, 2025 08:40
امریکا نے افغان پاسپورٹ رکھنے والوں کے ویزے اور اسائلم درخواستوں کی کارروائی معطل کردی
واشنگٹن: امریکی حکومت نے افغان پاسپورٹ پر سفر کرنے والے افراد کے لیے ویزوں کا اجرا فوری طور پر معطل کر دیا ہے، جبکہ پناہ (اسائلم) کی تمام زیرِ التواء درخواستوں پر کارروائی بھی روک دی گئی ہے۔
امریکی محکمہ خارجہ کی جانب سے جاری بیان میں کہا گیا ہے کہ افغان پاسپورٹ ہولڈرز کے ویزوں سے متعلق تمام سرگرمیاں فی الحال روک دی گئی ہیں۔
حکام کے مطابق یہ فیصلہ امریکا کی قومی سلامتی اور شہریوں کے تحفظ کو مدنظر رکھتے ہوئے کیا گیا ہے۔
اسی دوران یو ایس سٹیزن شپ اینڈ امیگریشن سروسز نے بھی اعلان کیا ہے کہ افغان شہریوں کی اسائلم درخواستوں پر کوئی نیا فیصلہ اس وقت تک نہیں کیا جائے گا جب تک اضافی سیکیورٹی چیکس مکمل نہیں ہو جاتے۔
ایجنسی کے ڈائریکٹر جوزیف ایڈلو کا کہنا تھا کہ غیر ملکی شہریوں کی اسکروٹنی اور سکریننگ کو سخت بنانا ضروری ہے، اور اس مقصد کے حصول تک تمام فیصلے روک دیے گئے ہیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
پاکستان کو درپیش سیکیورٹی چیلنجز سے نمٹنے کیلئے جامع حکمت عملی ناگزیر ہے، صدر مملکت
29-نومبر،2025
