اسرائیل کی جانب سے غزہ میں حملے جاری، لکڑیاں چننے گئے دو بھائی ڈرون کی زد میں آکر شہید
WebDesk
30 نومبر, 2025 08:10
اسرائیل کی جانب سے غزہ میں حملے جاری، لکڑیاں چننے گئے دو بھائی ڈرون کی زد میں آکر شہید
غزہ میں جنگ بندی کے باوجود اسرائیلی کارروائیاں نہ رُک سکیں۔
رپورٹ کے مطابق ہفتے کے روز اسرائیلی فوج نے غزہ کے مختلف حصوں میں زمینی، فضائی اور سمندری حملے جاری رکھتے ہوئے خان یونس کے قریب ایک ڈرون حملہ کیا، جس کے نتیجے میں 2 نوعمر فلسطینی بھائی اپنی جان سے ہاتھ دھو بیٹھے۔
عینی شاہدین کے مطابق دونوں بچے، جن کی عمریں 8 اور 10 سال تھیں، معمول کے مطابق لکڑیاں جمع کرنے کے لیے گھر سے نکلے تھے جب اچانک ڈرون نے اُنہیں نشانہ بنا ڈالا۔
بچوں کے چچا نے بتایا کہ دونوں بھائی نہایت معصوم اور گھر کے واحد مددگار تھے۔
اسرائیلی فوج نے دعویٰ کیا ہے کہ حملہ اُن دو افراد پر کیا گیا جو مبینہ طور پر مشکوک سرگرمیوں میں ملوث تھے، تاہم مقامی لوگوں نے اس بیان کو مسترد کرتے ہوئے اسے بے بنیاد قرار دیا ہے۔
10 اکتوبر کی جنگ بندی کے بعد سے اسرائیلی کارروائیوں میں شدت دیکھی جا رہی ہے۔
مقامی حکام کے مطابق اسرائیلی حملوں میں اب تک 350 سے زیادہ فلسطینی ہلاک ہو چکے ہیں، جبکہ تباہ شدہ عمارتوں کے ملبے سے مزید دو افراد کی لاشیں بھی برآمد ہوئی ہیں۔
2 سال سے جاری اس خونریز جنگ میں مجموعی فلسطینی شہدا کی تعداد 70 ہزار سے تجاوز کر چکی ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
