سعودی عرب کا فلسطینی حکومت کی مالی مدد کے لیے 90 ملین ڈالر فراہم کرنے کا اعلان
WebDesk
02 دسمبر, 2025 13:04
سعودی عرب کا فلسطینی حکومت کی مالی مدد کے لیے 90 ملین ڈالر فراہم کرنے کا اعلان
عمّان: سعودی عرب نے فلسطینی حکومت کی مالی مدد کے لیے 90 ملین ڈالر کی نئی گرانٹ فراہم کرنے کا اعلان کیا ہے۔
یہ رقم فلسطینی اتھارٹی کی مالی استحکام کو مضبوط بنانے اور اہم عوامی خدمات جیسے صحت اور تعلیم میں معاونت کے لیے دی گئی ہے۔
اس موقع پر وزیر منصوبہ بندی و بین الاقوامی تعاون اسطفان سلامہ نے عمان میں سعودی سفیر برائے اردن و فلسطین کے غیر مقیم کمشنر شہزادہ منصور بن خالد بن فرحان آل سعود سے ملاقات کی اور گرانٹ کی تفصیلات سے آگاہ ہوئے۔
فلسطینی نائب صدر حسین الشیخ نے اس اقدام کو سراہتے ہوئے کہا کہ سعودی عرب کی یہ مالی مدد فلسطینی عوام کے لیے مشکل معاشی حالات میں ریلیف فراہم کرے گی اور فلسطینی حقوق کے تحفظ میں اہم کردار ادا کرے گی۔
اردن میں سعودی سفیر شہزادہ منصور بن خالد نے بیان دیا کہ سعودی عرب فلسطینی عوام کے جائز حقوق اور آزاد ریاست کے قیام کے لیے اپنے تاریخی مؤقف پر قائم ہے۔
انہوں نے کہا کہ یہ گرانٹ حکومت کو اپنی ذمہ داریاں پورا کرنے اور عوامی مسائل کو حل کرنے میں مدد فراہم کرے گی۔
یہ مالی تعاون 2025 میں فلسطینی اتھارٹی کی مستقل حمایت کے عزم کا حصہ ہے اور سعودی عرب کی جانب سے فلسطینی عوام کے لیے جاری کی جانے والی مسلسل معاونت کی تازہ مثال ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
پارلیمنٹ کا مشترکہ اجلاس؛ قومی کمیشن برائے حقوق اقلیتاں بل 2025 ترامیم کے ساتھ منظور
2-دسمبر،2025
