سعودی شاہی خاندان غم میں ڈوب گیا، اہم شخصیت کا انتقال
WebDesk
02 دسمبر, 2025 16:17
The Saudi royal family plunged into grief as a prominent figure passes away
سعودی شہزادہ عبد اللہ بن فہد بن عبد اللہ بن عبد العزیز کا بیرون ملک انتقال ہوگیا ہے۔
ایوانِ شاہی کے مطابق شاہی خاندان کے اہم رکن، شہزادہ عبداللہ بن فہد بن عبداللہ بن عبدالعزیز کا بیرونِ ملک انتقال ہوگیا۔ شہزادہ عبداللہ کی نمازِ جنازہ آج منگل کے روز ریاض کی جامع امام ترکی بن عبداللہ میں عصر کی نماز کے بعد ادا کی جائے گی۔
شاہی خاندان نے مرحوم کے لیے دعا کرتے ہوئے کہا کہ اللہ تعالیٰ ان پر اپنی رحمت فرمائے اور ان کے درجات بلند کرے۔
شہزادہ عبداللہ کے انتقال کی خبر پر مختلف حکومتی شخصیات اور سماجی رہنماؤں نے اہلِ خانہ سے تعزیت کا اظہار کیا۔
اس سے قبل سعودی عرب کے مشرقی صوبے کے سابق امیر، شہزادہ محمد بن فہد بھی 75 برس کی عمر میں انتقال کر گئے تھے۔ شاہی عدالت کے مطابق ان کی نمازِ جنازہ بھی ریاض کی امام ترکی بن عبداللہ مسجد میں ادا کی گئی۔
شہزادہ محمد بن فہد، شاہ فہد بن عبدالعزیز کے صاحبزادے تھے۔ ان کی پیدائش 1950 میں ریاض میں ہوئی۔ ابتدائی تعلیم کیپٹل ماڈل انسٹیٹیوٹ سے حاصل کی، جبکہ اعلیٰ تعلیم کے لیے وہ امریکہ گئے جہاں انہوں نے یونیورسٹی آف کیلیفورنیا، سانتا باربرا سے معاشیات اور سیاسیات میں ڈگری مکمل کی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
