غیر قانونی اسلحہ اور مبینہ حملے کی منصوبہ بندی کا الزام، امریکا میں پاکستانی نژاد نوجوان گرفتار
WebDesk
04 دسمبر, 2025 08:53
غیر قانونی اسلحہ اور مبینہ حملے کی منصوبہ بندی کا الزام، امریکا میں پاکستانی نژاد نوجوان گرفتار
امریکی شہر ڈیلاویئر میں امریکی حکام نے پاکستانی نژاد امریکی نوجوان لقمان خان کو غیرقانونی اسلحہ رکھنے اور مبینہ طور پر حملے کی منصوبہ بندی کرنے کے الزام میں حراست میں لے لیا ہے۔
گرفتاری 24 نومبر کی رات اس وقت عمل میں آئی جب پولیس نے کینبی پارک ویسٹ کے قریب ایک ٹرک کو روکا، جس میں 25 سالہ لقمان موجود تھا۔
پولیس کے مطابق ملزم نے گاڑی سے باہر نکلنے کے بار بار کہے گئے احکامات پر عمل نہیں کیا اور مزاحمت کی، جس کے بعد اسے گرفتار کیا گیا۔
تلاشی کے دوران ٹرک سے ایک پستول، میگزین اور ایسی دستاویزات برآمد ہوئیں جنہیں حکام نے “ممکنہ حملے کا خاکہ” قرار دیا۔
حکام کا کہنا ہے کہ دستاویز میں یونیورسٹی آف ڈیلاویئر کے پولیس اسٹیشن کا نقشہ، داخلے اور اخراج کے راستے اور ایک پولیس افسر کا نام درج تھا، جس نے تحقیقات کا دائرہ مزید وسیع کر دیا۔
گرفتاری کے اگلے دن ایف بی آئی نے ملزم کے گھر پر چھاپہ مار کر مزید جدید اسلحہ بھی ضبط کر لیا۔
ابتدائی تحقیقات کے مطابق لقمان خان امریکی شہری ہونے کے ساتھ ساتھ یونیورسٹی آف ڈیلاویئر کا طالب علم بھی ہے اور اس پر شبہ ہے کہ وہ اسی یونیورسٹی کے پولیس ڈپارٹمنٹ کو نشانہ بنانا چاہتا تھا۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
