روضہ رسول ﷺ کی زیارت اور ریاض الجنہ میں نوافل کی ادائیگی کے نئے اوقات مقرر

مسجدِ نبوی میں روضہ رسول ﷺ کی زیارت اور ریاض الجنہ میں نوافل ادا کرنے کے اوقات میں تبدیلی کر دی گئی ہے۔

 ادارہ امور حرمین نے نئے شیڈول کا باضابطہ اعلان کر دیا ہے۔ نئے شیڈول کے مطابق مرد زائرین رات 2 بجے سے نمازِ فجر تک زیارت کر سکیں گے۔ اسی طرح دن کے وقت زیارت کا وقت 11 بجے سے نمازِ عشاء تک رکھا گیا ہے۔

خواتین فجر کے بعد سے دن 11 بجے تک زیارت کر سکیں گی۔ اس کے علاوہ عشاء کے بعد رات 2 بجے تک خواتین کے لیے زیارت کا وقت ہوگا۔

اس کے علاوہ مرد نماز جمعہ کے بعد سے نماز عشاء تک روضہ رسول ﷺ کی زیارت کر سکیں گے۔ خواتین جمعہ کو فجر کے بعد سے صبح 9 بجے تک زیارت کی سعادت حاصل کر سکیں گی۔