عمران خان کے بیٹوں کا جنوری میں پاکستان آنے کا اعلان

پاکستان تحریکِ انصاف (پی ٹی آئی) کے بانی عمران خان کے بیٹوں نے جنوری میں پاکستان آنے کا اعلان کر دیا ہے۔

قاسم خان نے برطانوی نشریاتی ادارے اسکائی نیوز کو بتایا کہ انہوں نے اور ان کے بھائی نے ویزے کے لیے درخواست دے دی ہے۔ وہ دونوں اگلے ماہ پاکستان کا سفر کرنے کا ارادہ رکھتے ہیں۔

انہوں نے کہا کہ پاکستانی حکومت سے رابطہ کھل کر کیا گیا اور امید ہے کہ جنوری میں والد سے ملاقات ممکن ہو گی۔

اسکائی نیوز نے سوال کیا کہ ملاقات میں وہ کس موضوع پر بات کریں گے اور کیا کسی “ڈیل” پر غور کیا جائے گا۔ قاسم خان نے جواب دیا کہ والد کی زندگی ان کی اپنی ترجیح ہے اور عمران خان کا مقصد پاکستان کو بدعنوانی سے بچانا ہے۔

قاسم نے مزید کہا کہ اگر والد ابھی کسی ڈیل کے لیے بیرونِ ملک رہیں تو یہ انہیں تکلیف پہنچائے گا اور ان کی ذہنی صحت متاثر ہو سکتی ہے۔

واضح رہے کہ وزیر دفاع خواجہ آصف نے پہلے کہا تھا کہ عمران خان سے ملاقات کے لیے ان کے بیٹے پاکستان آ سکتے ہیں۔