حکومت نے 6 سرکاری تعطیلات کا اعلان کردیا

کویت حکومت نے سال 2026 کی پہلی سرکاری تعطیلات کا اعلان کر دیا ہے۔

نئے سال کے آغاز پر شہریوں کو چھٹیوں کا موقع ملے گا۔ کویتی کابینہ نے سرکاری ملازمین کے لیے تین روزہ تعطیلات کی منظوری دی ہے۔ جمعرات یکم جنوری 2026 کو سرکاری دفاتر بند رہیں گے، جبکہ جمعہ اور ہفتہ پہلے سے ہفتہ وار تعطیل کے دن ہیں، اس طرح تین دن کی چھٹی کا فائدہ ہوگا۔ سرکاری دفاتر میں کام دوبارہ اتوار 4 جنوری سے شروع ہوگا۔

مزید برآں، شب معراج کے موقع پر بھی تین روزہ تعطیل دی جائے گی۔ شب معراج کی چھٹی جمعہ 16 جنوری کو ہوگی، تاہم چونکہ جمعہ پہلے ہی چھٹی کا دن ہے، حکومت نے ہفتہ 17 جنوری اور اتوار 18 جنوری کو بھی چھٹی کا اعلان کیا ہے۔ اتوار کی چھٹی متبادل تعطیل کے طور پر رکھی گئی ہے۔ معمول کے مطابق کام پیر 19 جنوری سے دوبارہ شروع ہوگا۔

ان اقدامات کے نتیجے میں شہری جنوری 2026 میں دو طویل ویک اینڈز سے لطف اندوز ہو سکتے ہیں اور مجموعی طور پر چھ دن کی چھٹی حاصل کر سکیں گے۔