مسجد نبویؐ کے مؤذن شیخ فیصل نعمان انتقال کر گئے

مدینہ منورہ: مسجد نبویؐ کے معروف مؤذن شیخ فیصل نعمان کا انتقال ہو گیا۔ ان کی وفات کی خبر سنتے ہی عالمِ اسلام میں غم کی لہر دوڑ گئی۔ دنیا بھر سے علما، نمازی اور عقیدت مند مسلمانوں نے ان کے لیے دعائے مغفرت کی۔

مرحوم کی نمازِ جنازہ منگل کے روز فجر کی نماز کے بعد مسجد نبویؐ میں ادا کی گئی۔ اس موقع پر بڑی تعداد میں لوگ شریک ہوئے۔ بعد ازاں انہیں تاریخی جنت البقیع (بقیع الغرقد) میں سپردِ خاک کیا گیا۔

مسجد نبویؐ میں 25 سالہ خدمات

شیخ فیصل نعمان کو 1422 ہجری (2001 عیسوی) میں مسجد نبویؐ کا مؤذن مقرر کیا گیا۔ انہوں نے یہ مقدس فریضہ 25 برس تک بڑے اخلاص اور عاجزی کے ساتھ انجام دیا۔
شیخ فیصل نعمان 1422 ہجری سے 1447 ہجری تک مسلسل مسجد نبویؐ سے اذان دیتے رہے۔

معزز خاندان اور اذان کی روایت

مرحوم ایک معزز خاندان سے تعلق رکھتے تھے، جن کی نسل در نسل خدمات مسجد نبویؐ میں اذان سے وابستہ رہی ہیں۔ ان کے ذریعے بلند ہونے والی اذان کی آواز نے دلوں کو منور کیا اور امت مسلمہ کے لیے روحانی سکون کا باعث بنی۔