کینیڈا کا ویزا فری انٹری کا اعلان! ممالک کی فہرست سامنے آگئی

کینیڈا نے سیاحت کے فروغ اور بین الاقوامی تعلقات مضبوط بنانے کے لیے 13 ممالک کے شہریوں کو ویزا فری داخلے کی سہولت دینے کا اعلان کر دیا ہے۔

حکام کے مطابق یہ سہولت ان مسافروں کے لیے ہے جو ہوائی سفر کے ذریعے کینیڈا آئیں اور جنہوں نے گزشتہ دس برسوں میں کبھی کینیڈین ویزا حاصل کیا ہو یا اس وقت ان کے پاس امریکا کا درست نان امیگرنٹ ویزا موجود ہو۔ اہل مسافروں کو کینیڈا میں زیادہ سے زیادہ چھ ماہ تک قیام کی اجازت ہوگی۔

کینیڈا نے اس کے ساتھ ساتھ الیکٹرانک ٹریول آتھرائزیشن (eTA) پروگرام کی سہولت بھی مزید ممالک تک بڑھا دی ہے تاکہ قلیل مدتی دوروں کے لیے داخلے کا عمل آسان بنایا جا سکے۔ نئے ویزا فری ممالک میں مراکش، پاناما، فلپائن، سینٹ کٹس اینڈ نیوس، سینٹ لوسیا، سینٹ ونسنٹ اینڈ دی گریناڈینز، اینٹیگوا اینڈ باربوڈا، ارجنٹینا، کوسٹا ریکا، سیشلز، تھائی لینڈ، ٹرینیڈاڈ اینڈ ٹوباگو اور یوراگوئے شامل ہیں۔

یہ اقدام خصوصی طور پر کیریبین ممالک کے ساتھ سفارتی تعلقات کو بہتر بنانے کے لیے بھی اہم سمجھا جا رہا ہے، کیونکہ ان میں سے پانچ ممالک پہلی بار اس فہرست میں شامل ہوئے ہیں۔