18 جنوری کو عام تعطیل کا اعلان

کویت اور عمان نے شب معراج کے موقع پر عام تعطیل کا اعلان کر دیا ہے۔

 دونوں ممالک میں 18 جنوری کو سرکاری اور نجی ادارے بند رہیں گے۔ اس دن اسکول، کالجز اور دیگر تعلیمی ادارے بھی بند رہیں گے۔ شب معراج 27 رجب 1447 کی رات کو منائی جائے گی۔

کویت میں شب معراج کی مناسبت سے تین روزہ تعطیلات کا اعلان کیا گیا ہے۔ چونکہ جمعہ 16 جنوری کو پہلے ہی سرکاری چھٹی ہوتی ہے، اس لیے تعطیلات 16 جنوری سے 18 جنوری تک جاری رہیں گی۔ ہفتہ 17 جنوری اور اتوار 18 جنوری کو بھی سرکاری طور پر چھٹی ہوگی۔ اتوار کی چھٹی کو متبادل تعطیل قرار دیا گیا ہے۔ معمول کے مطابق کام پیر 19 جنوری 2026 سے شروع ہو جائے گا۔

متحدہ عرب امارات میں شب معراج کے موقع پر عام تعطیل نہیں ہوگی۔ حکام نے شہریوں سے کہا ہے کہ وہ اپنے تعلیمی اور کاروباری شیڈول کے مطابق منصوبہ بندی کریں تاکہ تعطیلات کے دوران کسی قسم کی دشواری نہ ہو۔