امریکی جنگی طیارے گرین لینڈ پہنچنے لگے

واشنگٹن: امریکی جنگی طیارے گرین لینڈ پہنچنا شروع ہوگئے ہیں۔ یہ طیارے جلد گرین لینڈ میں قائم امریکی فوجی اڈے پر پہنچ جائیں گے۔

نوراڈ کا بیان

امریکی اور کینیڈین دفاعی ادارے نوراڈ نے سوشل میڈیا پر بیان جاری کیا کہ امریکی طیاروں کی نئی کھیپ پہنچانے کے لیے ڈنمارک اور گرین لینڈ کی حکومتوں سے مکمل ہم آہنگی کی گئی ہے۔ نوراڈ نے کہا کہ امریکی فورسز کے پاس ضروری سفارتی اجازت نامے موجود ہیں۔

گرین لینڈ کی اہمیت

گرین لینڈ دراصل ڈنمارک کا خود مختار علاقہ ہے۔ 1951 میں امریکا اور ڈنمارک نے گرین لینڈ کے دفاع کے لیے معاہدہ کیا تھا۔ اس معاہدے کے تحت امریکا نے گرین لینڈ کو ممکنہ جارحیت سے بچانے کا عزم کیا۔

نوراڈ اور سرد جنگ

امریکا اور کینیڈا نے 1958 میں سرد جنگ کے دوران دفاعی معاہدہ نوراڈ پر دستخط کیے۔ نوراڈ کا بنیادی مقصد بیلسٹک میزائلوں کی لانچنگ کی بروقت اطلاع دینا ہے۔