بھارت: مغربی بنگال میں نِپاہ وائرس پھیل گیا، 100 افراد قرنطینہ

کولکتہ: بھارتی ریاست مغربی بنگال میں نپاہ وائرس کے پھیلاؤ کے بعد ہائی الرٹ جاری کر دیا گیا ہے۔

 مقامی انتظامیہ نے حفاظتی اقدامات سخت کرتے ہوئے تقریباً 100 افراد کو گھروں میں قرنطینہ کیا ہے۔ ایک مریض کی حالت تشویشناک بتائی جا رہی ہے۔

رپورٹس کے مطابق صورتحال کی نگرانی کے لیے تھائی لینڈ نے بھی احتیاطی تدابیر بڑھا دی ہیں۔ مغربی بنگال سے آنے والے مسافروں کے لیے بڑے ہوائی اڈوں پر متعدی امراض کی اسکریننگ شروع کر دی گئی ہے۔

نپاہ وائرس پہلی بار 1998 میں ملائیشیا میں سامنے آیا تھا۔ عالمی ادارہ صحت کے مطابق یہ ایک خطرناک zoonotic وائرس ہے جو بنیادی طور پر چمگادڑوں کے ذریعے انسانوں میں پھیلتا ہے۔

ماہرین کا کہنا ہے کہ نپاہ وائرس کے لیے اب تک کوئی مخصوص علاج یا منظور شدہ ویکسین دستیاب نہیں ہے، جس کے باعث عوام کو احتیاطی اقدامات اختیار کرنے کی ہدایت کی گئی ہے۔