امریکا نے حملہ کیا تو فوری اور فیصلہ کن ردعمل دیا جائے گا، ترجمان ایرانی فوج

ترجمان ایرانی فوج کا کہنا ہے کہ امریکا نے حملہ کیا تو فوری اور فیصلہ کن ردعمل دیا جائے گا۔

ایرانی سرکاری میڈیا کے مطابق فوج کے ترجمان کا کہنا ہے کہ امریکا نے حملہ کیا تو فوری اور فیصلہ کن ردعمل دیا جائے گا، خطے میں امریکی فوجی اڈے اور طیارہ بردار جہاز ہمارے اہداف ہوسکتے ہیں۔

انہوں نے کہا کہ خطے میں امریکی اڈے ہمارے درمیانے فاصلے کے میزائلوں کی رینج میں ہیں، اور  اس حوالے سے تمام ضروری منصوبہ بندی مکمل کر لی گئی ہے۔

ترجمان ایرانی فوج کا کہنا ہے کہ اگر دشمن نے ایک بار  پھر کسی احمقانہ عمل کا ارتکاب کیا  تو ایران فوری ردعمل دے گا، ملک کے دفاع اور کسی بھی جارحیت کا مؤثر جواب دینا ایران کی اولین ترجیح ہے۔