رمضان میں کام کے اوقات کار کیا ہونگے؟ اہم اعلان ہوگیا

مشرقی وسطیٰ کے ملک عمان نے رمضان المبارک 1447 ہجری کے دوران سرکاری اور نجی شعبے میں کام کے اوقات کار کا اعلان کر دیا ہے۔

 سرکاری دفاتر میں دن کے دوران کام کے اوقات پانچ گھنٹے ہوں گے، جو صبح 9 بجے سے دوپہر 2 بجے تک جاری رہیں گے۔

حکام نے بتایا کہ کسی بھی یونٹ کے سربراہ کو اختیار ہوگا کہ وہ فلیکسیبل اوقات کار نافذ کریں۔ اس کے تحت ملازمین اپنی آمد اور روانگی کے وقت کو یونٹ کی نوعیت کے مطابق ترتیب دے سکیں گے۔

 حاضری صبح 7 بجے سے دوپہر 3 بجے تک شروع کی جا سکتی ہے اور ملازمین کے کل کام کے گھنٹے یونٹ کے قواعد کے مطابق شمار کیے جائیں گے۔

ریموٹ ورک کے حوالے سے بھی سہولت دی گئی ہے۔ یونٹ کے سربراہ ان عہدوں کے لیے ریموٹ کام نافذ کر سکتے ہیں، بشرطیکہ کام کے بہاؤ میں خلل نہ آئے۔ تاہم ہر یونٹ میں کل ملازمین کا کم از کم 50 فیصد اپنی موجودگی لازمی رکھیں۔

پرائیویٹ سیکٹر میں کام کرنے والے مسلم ملازمین کے لیے اوقات کار روزانہ چھ گھنٹے مقرر کیے گئے ہیں، جبکہ ہفتہ وار کام 30 گھنٹے سے زیادہ نہیں ہوگا۔