ڈچ سفارتکار ایران میں سیٹلائٹ آلات کے ساتھ گرفتار: روسی میڈیا

روسی میڈیا کا کہنا ہے کہ ایک ڈچ سفارتکار ایران میں اسٹار لنک کی کٹس اور سیٹلائٹ فون اسمگل کرتے ہوئے پکڑا گیا۔

روسی خبر ایجنسی نے ایرانی میڈیا کے حوالے سے ویڈیو جاری کی، جس میں کہا گیا کہ سفارتکار نے تہران ایئرپورٹ پر اپنا سوٹ کیس اسکینر سے گزارنے کی اجازت نہیں دی۔

تنازع بڑھنے پر سامان ضبط کر لیا گیا اور سفارتکار بغیر سامان لیے واپس چلا گیا، تاہم دوسرے مندوب کے تاخیر سے پہنچنے پر سامان کھول لیا گیا۔

یہ بھی پڑھیں : ایران کے رہبر اعلیٰ خامنہ ای نے ملکی امور علی لاریجانی کے سپرد کر دیئے

ایلون مسک کی کمپنی اسپیس ایکس کی سروس اسٹار لنک پر ایران میں گزشتہ برس سے پابندی عائد ہے اور اس کی درآمد و تقسیم کو غیر قانونی قرار دیا گیا ہے۔

ایرانی حکام کے مطابق اس کا استعمال ممکنہ مجرمانہ عمل یا جاسوسی کے زمرے میں آ سکتا ہے اور خلاف ورزی پر قید کی سزا بھی ہو سکتی ہے۔

دوسری جانب ہالینڈ کی وزارت خارجہ نے اس اقدام پر سخت احتجاج کرتے ہوئے نیدرلینڈز میں تعینات ایرانی سفیر کو طلب کر لیا ہے اور سفارتی سامان کی ضبطی کو بین الاقوامی قوانین کے منافی قرار دیا ہے۔