سفارتی کوششیں ناکام ہوئیں تو فوجی راستہ اختیار کیا جا سکتا ہے : جے ڈی وینس

امریکی نائب صدر نے واضح کیا ہے کہ واشنگٹن ایران کے ساتھ سفارتی حل کو ترجیح دیتا ہے، تاہم اگر ضرورت پڑی تو فوجی آپشن بھی استعمال کیا جا سکتا ہے۔

امریکہ کے نائب صدر جے ڈی وینس نے کہا ہے کہ صدر ڈونلڈ ٹرمپ اب بھی ایران کے ساتھ سفارت کاری کو اولین ترجیح دیتے ہیں، تاہم انہوں نے یہ بھی واضح کیا کہ اگر سفارتی کوششیں ناکام ہوئیں تو دیگر ذرائع، بشمول فوجی راستہ، اختیار کیا جا سکتا ہے۔

انہوں نے ایک نشریاتی پروگرام میں گفتگو کرتے ہوئے کہا کہ صدر ٹرمپ کا بنیادی ہدف ایران کو جوہری ہتھیار حاصل کرنے سے روکنا ہے۔

یہ بھی پڑھیں : شمالی کوریا نے امریکہ سے مذاکرات کو جوہری ملک تسلیم کرنے سے مشروط کردیا

صدر ٹرمپ نے کانگریس میں اپنے سالانہ خطاب کے دوران دعویٰ کیا کہ ایران ایسے بیلسٹک میزائل تیار کر رہا ہے جو امریکہ تک پہنچنے کی صلاحیت رکھتے ہیں اور یورپ و بیرونِ ملک امریکی اڈوں کو خطرے میں ڈال سکتے ہیں۔

انہوں نے کہا کہ واشنگٹن نے تہران کو خبردار کیا ہے کہ وہ اپنے جوہری پروگرام کو دوبارہ فعال کرنے کی کسی بھی کوشش سے باز رہے۔