ماں سے جدا بندر پر دنیا پگھل گئی لیکن غزہ کے بچی پر خاموشی؟ دل دہلا دینے والی ویڈیو نے عالمی ضمیر کو جھنجھوڑ دیا

فرانس میں واقع کیوبا کے سفارتخانے نے سوشل میڈیا پر ایک ویڈیو شیئر کی ہے، جس نے دنیا بھر کے صارفین کو نہ صرف چونکا دیا بلکہ انسانی ہمدردی کے رویوں پر بھی سوالیہ نشان لگا دیا۔

ویڈیو کے پہلے حصے میں جاپان کے ایک چڑیا گھر کا منظر دکھایا گیا، جہاں پنچ نامی ننھا بندر ماں کی محبت سے محروم ہونے کے بعد ایک کھلونا بندر کو سینے سے لگا کر بیٹھا ہے۔ اس منظر نے سوشل میڈیا صارفین کو جذباتی کر دیا اور ہزاروں ہمدردی کے پیغامات سامنے آئے۔

لیکن ویڈیو کے اگلے مناظر میں صورتحال یکسر بدلتی ہے۔ یہاں دکھایا گیا ہے کہ غزہ کی ایک معصوم بچی اسرائیلی بمباری کے بعد اپنے گھر اور اہلِ خانہ کھونے کے بعد ملبے کے ڈھیر پر کھڑی ہے، اپنی گڑیا کو سینے سے لگائے خاموشی سے صدمے کا سامنا کر رہی ہے۔

Le monde s’émeut devant le singe «Punch» qui serre une peluche, tout en ignorant la souffrance de milliers d’enfants #orphelins à #Gaza, dont toute la famille a été assassinée par Israël.

L’empathie sélective est une honte.#FreePalestine #StopGenocide #Punch pic.twitter.com/pQFKZ2njuy

— Ambassade de Cuba en France (@EmbaCubaFrancia) February 24, 2026

کیوبن سفارتخانے نے اپنی پوسٹ میں لکھا کہ دنیا ایک ننھے بندر کے کھلونے سے لپٹنے پر جذباتی ہو جاتی ہے، لیکن غزہ میں ہزاروں یتیم بچوں اور ان کے خاندانوں کے دکھ کو اکثر نظرانداز کر دیتی ہے۔ سفارتخانہ اس تضاد کو انسانی ہمدردی کے دعوؤں پر سوالیہ نشان قرار دیتا ہے اور اسے “من مرضی کی ہمدردی” کہا ہے۔

یہ ویڈیو عالمی سطح پر انسانی ہمدردی، توجہ اور انصاف کے موضوعات پر بحث کو ایک بار پھر زندہ کر گئی ہے۔