اپنے دفاع کے لیے ہماری کوئی حد یا حدود نہیں ہیں، ایرانی وزیرخارجہ

ایرانی وزیرخارجہ عباس عراقچی کا کہنا ہے کہ اپنے دفاع کے لیے ہماری کوئی حد یا حدود نہیں ہیں۔

ایرانی وزیرخارجہ عباس عراقچی نے کہا کہ کسی رہنما کو غیرملکی فوجوں کے ہاتھوں قتل کروانا عالمی قانون کی بدترین خلاف ورزی ہے، سپریم لیڈر کا قتل کسی بھی تنازع اور تصادم کو مزید خطرناک بنادے گا، خامنہ ای صرف ایران کے نہیں امت مسلمہ کے مذہبی رہنما تھے، سپریم لیڈر کی شہادت پر ایران کے علاوہ پاکستان، عراق میں  مظاہرے ہوئے۔

 عباس عراقچی نے کہا کہ اپنے دفاع کے لیے ہماری کوئی حد یا حدود نہیں ہیں، ہمارے فوجی یونٹ پہلے کی طے کردہ گائیڈ لائن کے مطابق آزادانہ کام کررہے ہیں، یہ جنگ امریکا اسرائیل کو اچھے نتائج نہیں دے گی۔

ایرانی وزیرخارجہ عباس عراقچی کا کہنا ہے کہ امریکا اسرائیل کو نہ اب، نہ آئندہ کسی جنگ سے کچھ حاصل نہیں ہوگا، جب تک بھی ضروری ہوا ہم مزاحمت جاری رکھیں گے۔