ملازمین کی موجیں ہی موجیں؛ عیدالفطر کی لمبی تعطیلات کا اعلان

سعودی عرب کی حکومت نے عیدالفطر کے موقع پر پرائیویٹ سیکٹر اور غیر منافع بخش اداروں کے لیے چار روزہ چھٹیوں کا اعلان کر دیا ہے۔

سعودی وزارت محنت نے اعلان کیا ہے کہ یہ چھٹیاں بدھ، 18 مارچ (29 رمضان) سے شروع ہوں گی اور چار روز تک جاری رہیں گی۔ سرکاری ترجمان محمد الرزقی نے میڈیا کو بتایا کہ عیدالفطر کی یہ چھٹیاں کام کے اختتام سے شروع ہوں گی اور ملازمین کو تعطیلات کے دوران مکمل آرام کا موقع ملے گا۔

 انہوں نے پرائیویٹ اداروں کے مالکان پر زور دیا کہ وہ مزدور قانون کے آرٹیکل 24 کے دوسرے پیراگراف میں موجود ہدایات پر مکمل عمل کریں۔

اس اقدام کا مقصد ملازمین کو مذہبی تہوار کے موقع پر آرام، خوشی اور خاندان کے ساتھ وقت گزارنے کا موقع فراہم کرنا ہے۔