تہران میں حکومت کی تبدیلی کی کوشش کی تو نشانہ اسرائیل کی ایٹمی تنصیبات ہوں گی، ایرانی فوج

ایران کے ایک سینیئر فوجی عہدیدار نے خبردار کیا ہے کہ اگر اسرائیل یا امریکہ نے تہران میں نظام کی تبدیلی کی کوئی بھی کوشش کی تو اسرائیل کی اہم ترین ایٹمی تنصیب کو نشانہ بنایا جائے گا۔

ایران کے ایک اعلیٰ فوجی عہدیدار نے ایک سنگین انتباہ جاری کیا ہے، جس میں کہا گیا ہے کہ اگر اسرائیل اور امریکہ نے تہران میں موجودہ حکومت یا نظام کو گرانے کی کوشش کی تو ایران جوابی کارروائی میں اسرائیل کے ڈیمونا ایٹمی بجلی گھر کو نشانہ بنائے گا۔

یہ بھی پڑھیں : حملوں سے قبل ایران نے امریکہ کی ایٹمی تعاون کی پیشکش ٹھکرا دی تھی، وائٹ ہاؤس کا دعویٰ

اسرائیل کی جانب سے ایران میں سیاسی تبدیلیوں کے حوالے سے بیانات دیے جا رہے ہیں۔ ایرانی حکام کا کہنا ہے کہ ان کا ملک اپنی دفاعی صلاحیتوں کو بروئے کار لانے میں کوئی ہچکچاہٹ محسوس نہیں کرے گا اور کسی بھی جارحیت کی صورت میں دشمن کی حساس ترین تنصیبات ان کے نشانے پر ہوں گی۔