ایران پر امریکی اور اسرائیلی حملوں میں شہداء کی تعداد 1,332 تک جاپہنچی

ایرانی ہلال احمر کے مطابق حملوں کے نتیجے میں ملک کے مختلف علاقوں میں بڑے پیمانے پر جانی اور مالی نقصان ہوا ہے۔ ایران پر امریکی اور اسرائیلی حملوں سے شہداء کی تعداد 1,332 تک پہنچ گئی ہے۔

ایرانی ہلال احمر کے مطابق کئی علاقوں میں عمارتیں تباہ ہونے کے باعث ریسکیو ٹیمیں ملبہ ہٹانے اور زخمیوں کو نکالنے میں مصروف ہیں جبکہ طبی امداد کی فراہمی بھی جاری رکھی گئی ہے۔ ہفتے کے روز شروع ہونے والے حملوں تاحال جاری ہیں، جس کے باعث شہداء کی تعداد بڑھ کر 1,332 ہو گئی۔

یہ بھی پڑھیں : اسرائیل کی لبنان پر وحشیانہ بمباری جاری، شہداء کی تعداد 123 ہوگئی

حکام کے مطابق حملوں کے باعث بڑی تعداد میں شہری زخمی بھی ہوئے ہیں، جنہیں مختلف اسپتالوں میں منتقل کیا گیا ہے۔ متاثرہ علاقوں میں امدادی ٹیمیں مسلسل کام کر رہی ہیں اور شہریوں کو خوراک، طبی سہولیات اور ہنگامی امداد فراہم کرنے کی کوشش کی جا رہی ہے۔