عمان میں عید الفطر کی تعطیلات کا اعلان

عمان میں عید الفطر کی تعطیلات کا اعلان کر دیا گیا ہے۔

عمان کی حکومت نے عید الفطر 2026 کے لیے سرکاری اور نجی اداروں کی تعطیلات کا باقاعدہ اعلان کر دیا ہے۔ تمام دفاتر 19 مارچ سے 23 مارچ تک بند رہیں گے، جبکہ کام 24 مارچ سے دوبارہ شروع ہوگا۔

فلکیاتی پیشگوئیوں کے مطابق اس سال رمضان المبارک کے 30 روزے مکمل ہونے کے امکانات ہیں۔ اس کے باعث کئی ممالک میں عید الفطر جمعہ، 20 مارچ کو متوقع ہے۔ تاہم عید کی حتمی تاریخ کا اعلان متعلقہ مذہبی حکام کی جانب سے شوال کے چاند کی رویت کے بعد کیا جائے گا۔

عمان میں رمضان المبارک 19 فروری 2026 سے شروع ہوا تھا، جبکہ دیگر خلیجی ممالک میں روزے 18 فروری سے رکھے گئے تھے۔ اگر عید 20 مارچ کو منائی جاتی ہے تو عمان میں رمضان 29 دن پر مشتمل ہوگا۔