امریکا اور اسرائیل 48 گھنٹوں کیلئے عارضی جنگ بندی کے خواہاں ہیں، ایران کا دعویٰ

مشرقِ وسطیٰ میں جاری کشیدگی کے دوران ایران نے ایک اہم دعویٰ کیا ہے کہ امریکا اور اسرائیل محدود مدت کے لیے جنگ بندی چاہتے ہیں۔

 ایرانی حکام کے مطابق دونوں ممالک 48 گھنٹوں کی عارضی سیز فائر میں دلچسپی رکھتے ہیں، تاہم اس حوالے سے امریکا اور اسرائیل کی طرف سے ابھی تک کوئی باضابطہ بیان سامنے نہیں آیا۔ اس صورتحال نے خطے میں مزید سوالات کو جنم دے دیا ہے۔

اس کے علاوہ ایران نے سکیورٹی کے حوالے سے بڑی کارروائی کا دعویٰ بھی کیا ہے۔ ایرانی حکام کے مطابق مختلف علاقوں میں چھاپوں کے دوران مزید 45 مشتبہ افراد کو گرفتار کیا گیا ہے، جن پر جاسوسی کا الزام ہے۔

 سرکاری میڈیا کے مطابق صوبہ قزوین اور مغربی آذربائیجان میں کارروائیاں کی گئیں، جہاں کچھ افراد حساس فوجی معلومات دشمن نیٹ ورکس تک پہنچانے میں ملوث تھے۔ ان کارروائیوں کا مقصد ملکی سلامتی کو یقینی بنانا ہے۔