سہ ملکی سیریز؛ حارث پہلے ہی میچ میں انجری کا شکار، مگر کیسے؟

پاکستان اور نیوزی لینڈ کے درمیان سیریز کے پہلے میچ کے دوران قومی ٹیم کے فاسٹ بولر حارث رؤف انجری کا شکار ہوگئے۔

لاہور میں کھیلے جارہے سہ ملکی سیریز کے پہلے میچ میں حارث رؤف انجری کا شکار ہوکر میدان سے باہر چلے گئے، انہیں بالنگ کے دوران سینے اور پیٹ کے پٹھوں کی بائیں جانب سے شدید درد ہورہا تھا۔

قومی ٹیم کے فاسٹ بولر کو ابتدائی طبی امداد فراہم کردی گئی ہے تاہم انکے میدان پر واپس آنے کا فیصلہ ڈاکٹرز کی مشاورت کے بعد کیا جائے گا۔

مزید پڑھیں: چیمپئنز ٹرافی؛ شائقین کو قومی ٹیم کی جرسی بھاگئی

دوسری جانب حارث رؤف نے اپنے کوٹے کے 6.2 اوورز میں 23 رنز دیکر ایک وکٹ حاصل کی تھی، بعدازاں انکا اوور سلمان علی آغا نے مکمل کیا۔

حارث کی انجری کی نوعیت کا جائزہ لیا جارہا ہے بعدازاں چیمپئنز ٹرافی اسکواڈ میں تبدیلی ہوسکتی ہے۔