سرکاری اور نجی ملازمین کی تنخواہوں سے متعلق بڑی خبر آگئی

خیبر پختونخوا حکومت نے صوبے میں سی پی فنڈ اکاؤنٹس کی رجسٹریشن لازمی قرار دیتے ہوئے تنخواہوں کی ادائیگی کو اسی سے منسلک کر دیا ہے۔

محکمہ خزانہ نے اس حوالے سے نوٹیفکیشن جاری کیا ہے جس میں کہا گیا ہے کہ مقررہ تاریخ تک رجسٹریشن نہ کروانے والے ملازمین نان کمپلائنٹ قرار دیے جائیں گے۔

نوٹیفکیشن کے مطابق 20 فروری کے بعد سی پی فنڈ اکاؤنٹ رجسٹر نہ ہونے والے ملازمین کی تنخواہ جاری نہیں کی جائے گی۔ اس فیصلے کا اطلاق صوبے کے تمام مستقل سرکاری ملازمین پر ہوگا۔

تاہم، ایڈہاک اور کنٹریکٹ ملازمین سی پی فنڈ اسکیم کے اہل نہیں ہیں اور ان پر یہ شرط لاگو نہیں ہوگی۔

محکمہ خزانہ نے ملازمین کو ہدایت کی ہے کہ وہ فوری طور پر سی پی فنڈ اکاؤنٹس رجسٹر کروائیں تاکہ تنخواہوں میں کسی قسم کی رکاوٹ نہ آئے۔