سرکاری اداروں میں بھرتیوں کا طریقہ کار تبدیل!! نیا طریقہ کار جان لیں

پنجاب حکومت نے سرکاری بھرتیوں کے طریقہ کار میں بڑی تبدیلی کے لیے تیاری شروع کر دی ہے۔

ذرائع کے مطابق ابتدائی طور پر نئی بھرتیاں بنیادی پے اسکیل کی بجائے لمپ سم پے پیکج کے تحت کی جائیں گی۔ اس سے بھرتیوں کے عمل میں تیزی اور آسانی آنے کی توقع ہے۔

مجوزہ ترمیم کے مطابق صوبائی محکموں میں رکی ہوئی بھرتیوں کو جلد مکمل کرنے کا منصوبہ ہے۔ لمپ سم پے پیکج پر پابندی میں نرمی کے کیسز حکومت کو کیس ٹو کیس بنیاد پر پیش کیے جائیں گے۔ اس کے بعد گریڈ 1 سے گریڈ 4 تک کی نئی آسامیوں پر بھرتیاں لمپ سم پے پیکج کے تحت ممکن ہوں گی۔

ذرائع کا کہنا ہے کہ اس نظام میں روایتی سروس رولز کے بجائے اہل امیدواروں کے معیار کو مدنظر رکھا جائے گا۔ اس سے بھرتیوں میں شفافیت اور معیار کو بہتر بنانے میں مدد ملے گی۔ تاہم گریڈ 5 اور اس سے اوپر کے بھرتیوں کے لیے پابندی میں نرمی کے کیسز متعلقہ فورمز پر زیرِ غور رہیں گے۔

پنجاب پبلک سروس کمیشن (پی پی ایس سی) کے ذریعے روایتی بھرتیاں جاری رہیں گی، لیکن لمپ سم پے پیکج کے تحت بھرتیوں کی سہولت نئے نظام کے تحت فراہم کی جائے گی۔