میانوالی دہشت گردی کی بڑی کارروائی سے بچ گیا

میانوالی دہشت گردی کی بڑی کارروائی سے بچ گیا۔

چاپڑی ڈیم کے قریب انسداد دہشت گردی ڈیپارٹمنٹ (سی ٹی ڈی) اور دہشت گردوں کے درمیان شدید فائرنگ کا تبادلہ ہوا۔ اس کارروائی میں 6 دہشت گرد اپنے ساتھیوں کی فائرنگ سے ہلاک ہو گئے جبکہ 8 دہشت گرد فرار ہونے میں کامیاب ہو گئے۔

حکام نے بتایا کہ سی ٹی ڈی نے دہشت گردوں کی گرفتاری کے لیے انٹیلی جنس کی بنیاد پر کارروائی کی تھی۔ جیسے ہی ٹیم موقع پر پہنچی، دہشت گردوں نے اس پر فائرنگ شروع کر دی۔ جوابی کارروائی میں چھ دہشت گرد مارے گئے۔

ہلاک دہشت گردوں کے قبضے سے ایک خودکش جیکٹ، 3 دستی بم، 6 ایس ایم جیز، 200 سے زائد گولیاں اور بارودی مواد برآمد کیا گیا ہے۔

حکام کا کہنا ہے کہ دہشت گرد پولیس اور دیگر سیکیورٹی اداروں پر حملوں کی مکمل منصوبہ بندی کر چکے تھے، تاہم بروقت کارروائی سے بڑے نقصان سے بچاؤ ممکن ہوسکا۔