امریکا اور چین نے کتنے فیصد ٹیرف کمی پر اتفاق کرلیا؟

امریکی اور چین حکام کے مابین جنیوا میں ملاقات ہوئی جس میں دونوں ممالک نے 90 روز کیلئے ٹیرف میں 115 فیصد کمی پر اتفاق کرلیا۔

جنیوا میں چینی حکام کی امریکی وزیر خزانہ اسکاٹ بیسنٹ سے ملاقات ہوئی جس میں ٹیرف میں کمی پر اتفاق کیا گیا جس کا اعلان امریکی وزیر خزانہ کی جانب سے کیا گیا ہے۔

امریکی وزیر خزانہ نے کہا کہ امریکا اورچین نے باہمی تجارتی ٹیرف میں 115 فیصد کمی پر رضامندی ظاہرکردی ہے، دونوں ممالک نے اقدامات 90  دن کیلئے مؤخر کرنے کا فیصلہ کر لیا ہے۔

مزید پڑھیں:ڈونلڈ ٹرمپ کا امریکہ سے باہر بننے والی فلموں پر 100 فیصد ٹیرف کا اعلان

دوسری جانب چینی وزارت تجارت نے کہا کہ امریکا کے ساتھ تجارتی مذاکرات میں کافی پیشرفت ہوئی ہے، ٹیرف میں کمی دونوں ممالک اور  دنیا کے مشترکہ مفاد میں ہے، امیدہے امریکا تجارت کے معاملے پرچین کے ساتھ کام کرتا رہےگا۔

خبر ایجنسی کے مطابق مذاکرات میں طے پایا ہے کہ امریکا درآمد ہونے والی چینی مصنوعات پر30 فیصد ٹیرف عائد ہوگا اور چین درآمد ہونے والی امریکی مصنوعات پر 10 فیصد ٹیرف ہو گا۔