جامعہ کراچی میں صبح کی کلاسز آن لائن کرانے کا فیصلہ

پیٹرول کی قیمت میں تاریخی اضافے کے بعد جامعہ کراچی میں صبح کی کلاسز آن لائن کروانے کا نوٹیفیکشن جاری کردیا گیا ہے۔

 نوٹیفیکشن کے مطابق 9 مارچ سے رمضان المبارک کے اختتام تک جامعہ کراچی میں صبح کی کلاسز آن لائن ہوں گی۔ جامعہ کراچی انتظامیہ نے یہ فیصلہ طلبہ کی سہولت کے پیش نظرکیا ہے۔

نوٹیفیکشن کے مطابق پیٹرولیم مصنوعات کی قیمتوں میں اضافے کے باعث ٹرانسپورٹ مسائل کا خدشہ ہے، اس لئے جامعہ کراچی کی تمام مارننگ کلاسز آن لائن منعقد کی جائیں گی۔