اتوار، 30-نومبر،2025
اتوار 1447/06/09هـ (30-11-2025م)

لاہور پھر دنیا کا آلودہ ترین شہر قرار، فضائی آلودگی خطرناک حد تک بڑھ گئی

23 اکتوبر, 2025 10:09

لاہور کی فضا آج بھی آلودہ اور مضرِ صحت ہے۔ دنیا کے آلودہ ترین شہروں کی فہرست میں لاہور ایک بار پھر پہلے نمبر پر آگیا ہے۔

ایئر کوالٹی انڈیکس کے مطابق لاہور کا اے کیو آئی 253 ریکارڈ کیا گیا جبکہ صبح سات بجے سے پہلے برکی روڈ کے علاقے میں اے کیو آئی 485 تک پہنچ گیا، جو انسانی صحت کے لیے نہایت خطرناک سطح ہے۔

ماحولیاتی ماہرین کے مطابق لاہور میں بڑھتی آلودگی کی بڑی وجہ ٹریفک کا دھواں، فیکٹریوں کا فضلہ اور موسمی اسموگ ہے۔ صرف لاہور ہی نہیں بلکہ پنجاب کے دیگر شہروں کی فضا بھی انتہائی مضرِ صحت بتائی گئی ہے۔

دنیا کے آلودہ ترین شہروں کی فہرست میں بھارتی دارالحکومت نئی دہلی دوسرے، عراق کے دارالحکومت بغداد تیسرے، کراچی 181 اے کیو آئی کے ساتھ چوتھے اور بھارتی شہر کلکتہ پانچویں نمبر پر موجود ہے۔

ماہرین نے شہریوں کو مشورہ دیا ہے کہ وہ غیر ضروری طور پر باہر نکلنے سے گریز کریں اور ماسک کا استعمال ضرور کریں۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔