پاکستان اور پولینڈ ایک دوسرے کے مزید قریب آگئے، باہمی تعاون، تجارت اور امن پر اتفاق

نائب وزیراعظم و وزیر خارجہ اسحاق ڈار نے اسلام آباد میں پولینڈ کے ہم منصب رادوسواف شکورسکی سے اہم نوعیت کی ملاقات کی ہے۔ مشترکہ پریس بریفنگ میں دوطرفہ تعلقات کو مزید مضبوط بنانے کے عزم کا اظہار کیا گیا۔

سرکاری حکام کے مطابق ملاقات کے دوران تجارت، توانائی، معدنیات، تعلیم اور سیکیورٹی کے شعبوں میں تعاون بڑھانے پر اتفاق ہوا۔

🔴LIVE: Joint Press Stakeout between DPM/FM of Pakistan and Deputy Prime MInister, Foreign Minister of Poland https://t.co/i16DkrQc5x

— Ministry of Foreign Affairs – Pakistan (@ForeignOfficePk) October 23, 2025

مشترکہ پریس کانفرنس میں اسحاق ڈار کا کہنا تھا کہ پاکستان پولینڈ کے ساتھ اپنے تاریخی تعلقات کو بے حد اہمیت دیتا ہے۔یاد دلاتے ہوئے انھوں ںے بتایا کہ پاک فضائیہ کی بنیاد رکھنے میں پولینڈ کے ماہرین کا کردار بنیادی حیثیت رکھتا ہے، جنگ عظیم دوم میں اس خطے نے ہزاروں پولش مہاجرین کو پناہ دی۔

اسحاق ڈار کا کہنا تھا کہ پولینڈ کے وزیر خارجہ کا یہ پاکستان کا دوسرا دورہ ہے جو ہمارے بڑھتے ہوئے بہتر تعلقات کا غماز ہے۔

اس سے قبل وفود کی سطح پر مذاکرات میں دونوں ممالک نے باہمی تعلقات کے فروغ، اقتصادی تعاون کے فروغ اور تجارتی رکاوٹوں کے خاتمے پر اتفاق کیا۔ پولینڈ کے نائب وزیراعظم کے ساتھ ملاقات میں انسٹی ٹیوٹ آف اسٹریٹجک اسٹڈیز اسلام آباد (ISSI) اور پولش انسٹی ٹیوٹ کے درمیان تعاون پر بھی بات چیت ہوئی۔پولش ہم منصب رادوسواف شکورسکی کا یہ دورہ پاکستان پولینڈ کے ساتھ تعلقات میں سنگِ میل ثابت ہوگا۔