حکومت نے عام تعطیل کا اعلان کردیا

سندھ حکومت نے 25 دسمبر کو یومِ قائداعظم اور کرسمس کے موقع پر عام تعطیل کا اعلان کر دیا ہے۔

 اس حوالے سے باقاعدہ نوٹیفکیشن بھی جاری کر دیا گیا ہے، جس کے مطابق 25 دسمبر بروز جمعرات سندھ حکومت کے ماتحت تمام دفاتر بند رہیں گے۔ اس کے علاوہ صوبے بھر میں سرکاری اور نجی اسکولوں میں بھی تعطیل ہوگی۔

حکومت سندھ نے مسیحی ملازمین کیلئے 26 دسمبر کو جزوی تعطیل کا اعلان بھی کیا ہے، تاکہ وہ کرسمس کی تقریبات کو بہتر انداز میں مکمل کر سکیں۔

ہفتہ اور اتوار کی چھٹیاں ملا کر شہری ایک ساتھ 4 چھٹیاں کرسکیں گے، جس سے لوگوں کو گھروں میں آرام، خاندانوں کے ساتھ وقت گزارنے اور سفری منصوبہ بندی کا موقع مل جائے گا۔