گاڑی مالکان خبردار!!! سخت احکامات جاری

سندھ حکومت نے جعلی فٹنس سرٹیفکیٹس استعمال کرنے والی گاڑیوں کے خلاف سخت کارروائی کا اعلان کر دیا ہے۔

 تفصیلات کے مطابق سینئر وزیر شرجیل میمن کی ہدایت پر محکمہ ٹرانسپورٹ نے ان گاڑیوں کے روٹ پرمٹ منسوخ کرنے اور مقدمات درج کرنے کا عمل شروع کر دیا ہے۔

 شرجیل میمن نے کہا کہ کچھ ٹرانسپورٹرز اپنی گاڑیوں کے فزیکل معائنے سے بچنے کے لیے جعلی فٹنس سرٹیفکیٹس استعمال کر رہے ہیں۔ یہ عمل نہ صرف قوانین کی سنگین خلاف ورزی ہے بلکہ عوام کی جان و مال کے لیے بھی بڑا خطرہ ہے۔ حکومت کسی کو بھی عوامی تحفظ سے کھیلنے کی اجازت نہیں دے گی۔

محکمہ ٹرانسپورٹ کو تین دن کے اندر کارروائی کی تفصیلی رپورٹ پی ٹی اے سیکریٹری کو پیش کرنے کا بھی حکم دیا گیا ہے۔ صوبائی وزیر نے کہا کہ جعلی فٹنس سرٹیفکیٹس کا استعمال سنگین جرم ہے اور جو بھی اس میں ملوث پایا گیا، اس کے خلاف بلاامتیاز کارروائی کی جائے گی۔