محکمہ موسمیات نے کراچی والوں کیلئے خطرے کی گھنٹی بجادی

محکمہ موسمیات نے کراچی کے موجودہ اور آنے والے موسم کے بارے میں تفصیلات جاری کر دی ہیں۔

 رپورٹ کے مطابق شہر میں دن کے اوقات میں موسم گرم اور خشک رہے گا جبکہ رات کے اوقات میں درجہ حرارت نسبتاً ٹھنڈا محسوس ہوگا۔ بارش کے کوئی امکانات موجود نہیں ہیں۔

محکمہ موسمیات کے مطابق آج کراچی کا کم سے کم درجہ حرارت 15 ڈگری سینٹی گریڈ اور زیادہ سے زیادہ درجہ حرارت 27 سے 29 ڈگری سینٹی گریڈ کے درمیان رہے گا۔ شمال مشرق سے ہوا کی رفتار 3 کلومیٹر فی گھنٹہ ہے، جس سے دن کے وقت موسم خوشگوار رہے گا۔

رپورٹ میں مزید بتایا گیا ہے کہ دسمبر کے آخری ہفتے میں کراچی کا موسم خوشگوار اور خشک رہے گا، جبکہ جنوری کے ابتدائی دو ہفتے سرد رہنے کا امکان ہے۔ آئندہ دس دن کے دوران شہر میں بارش کا کوئی امکان نہیں ہے، جس سے شہریوں کو سردی اور خشکی دونوں کا سامنا ہو سکتا ہے۔