بھارتیوں نے راچن رویندرا کو گیند لگنے کا ذمہ دار بھی "پاکستان” کو قرار دیدیا

سہ ملکی سیریز کے پہلے میں نیوزی لینڈ کے اوپنر راچن رویندرا کو افتتاحی میچ میں چہرے پر گیند لگنے کے بعد بھارتی میڈیا اور فینز نے پاکستان کو ہی ذمہ دار ٹھہرادیا۔

بھارتی میڈیا کے کچھ اینکرز اور مداحوں نے بےتُکی منطق پیش کرتے ہوئے کہا کہ پاکستان کرکٹ بورڈ (پی سی بی) کی جانب لگائی گئی نئی ایل ای ڈی لائٹس وجہ سے گیند کرکٹر کے چہرے پر لگی، اس لیے انٹرنیشنل کرکٹ کونسل (آئی سی سی) چیمپئینز ٹرافی کے میچز وہاں سے منتقل کرے۔

یہ پہلا واقعہ نہیں کہ لائٹس کی روشنی کے باعث گیند کھلاڑی کو دیکھائی نہ دی ہو، ایسا دنیا بھر کے اسٹیڈیم میں واقعات رونما ہوتے ہیں لیکن بھارتی میڈیا اور مداح پاکستان کیساتھ بغض میں پروپیگنڈا کرنے کی کوشش کررہے ہیں کہ ایونٹ کی میزبانی کو پاکستان سے چھینا جاسکے۔

مزید پڑھیں: سہ ملکی سیریز؛ حارث پہلے ہی میچ میں انجری کا شکار، مگر کیسے؟

قبل ازیں چیمپئینز ٹرافی کو ہائبرڈ ماڈل پر کروانے کے بعد پاکستان میں اسٹیڈیمز اَپ گریڈیشن کو لیکر منفی خبریں پھیلانا شروع کی تھیں تاہم اسٹیڈیمز کی بروقت تکمیل نے بھارتی ایجنڈا خاک میں ملادیا تو اب بھارتی میڈیا بےسروپا ہتھکنڈے اپنا رہا ہے۔

مزید پڑھیں: چیمپئنز ٹرافی؛ شائقین کو قومی ٹیم کی جرسی بھاگئی

گزشتہ روز قذافی اسٹیڈیم میں کھیلے گئے میچ میں مہمان نیوزی لینڈ کی ٹیم نے پاکستان کو 78 رنز سے شکست دیکر سہ ملکی سیریز کا فاتحانہ آغاز کیا تاہم میچ کے دوران کیچ تھامنے کی کوشش میں کیوی اوپنر راچن رویندرا کے چہرے پر گیند لگ گئی، جس کے باعث وہ زخمی ہوگئے تھے۔

مزید پڑھیں: چیمپئنز ٹرافی؛ پاکستان ٹیم کی جرسی کی رونمائی ہوگئی

پاکستانی اننگز کے 38 ویں اوور میں مائیکل بریسویل کی گیند پر خوشدل شاہ کا کیچ تھامنے کی کوشش میں انھیں یہ چوٹ لگی، جس کے بعد کرکٹر کے چہرے سے خون ٹپکنے لگا اور انہیں فوری طبی امداد فراہم کی گئی۔

دوسری جانب نیوزی لینڈ کرکٹ کا کہنا ہے کہ راچن رویندرا صحت مند ہیں تاہم پیر کو ہونیوالے جنوبی افریقا کے خلاف میچ میں انکی شمولیت کا فیصلہ انجری کو دیکھ کر کیا جائے گا۔